మార్కాపురం అభివృద్ధికి ప్రత్యేక ప్రణాళిక సిద్ధం చేశాం: అన్నా రాంబాబు
గాయత్రి న్యూస్ ,మార్కాపురం: మార్కాపురం పట్టణంలోని 10, 11, 12, 13, 14వ బ్లాకుల్లో మాజీ ఎమ్మెల్యే, వైఎస్సార్సీపీ మార్కాపురం నియోజకవర్గ ఇన్చార్జి అన్నా రాంబాబు ఇంటింటి ప్రచారం నిర్వహించారు. ఈ సందర్భంగా వైఎస్సార్సీపీ మున్సిపల్ చైర్మన్ అభ్యర్థి డాక్టర్ కనకదుర్గను గెలిపించాలని, ఫ్యాన్ గుర్తుపై ఓటు వేయాలని ఓటర్లను కోరారు. మార్కాపురం పట్టణంలో తాగునీరు, రహదారులు, డ్రైనేజీ వ్యవస్థ అభివృద్ధికి ప్రత్యేక కార్యాచరణ ప్రణాళిక సిద్ధం చేసినట్లు అన్నా రాంబాబు తెలిపారు. మున్సిపాలిటీగా అభివృద్ధి చెందడంతోపాటు జిల్లా కేంద్రంగా విస్తరిస్తున్న మార్కాపురానికి అవసరమైన మౌలిక వసతులు కల్పించేందుకు ప్రణాళిక రూపొందించినట్లు పేర్కొన్నారు. కనకదుర్గను గెలిపిస్తే మార్కాపురం అభివృద్ధి ఎలా ఉండాలో చేసి చూపిస్తామని ఆయన అన్నారు. ప్రచారంలో వైఎస్సార్సీపీ నాయకులు, కార్యకర్తలు పాల్గొన్నారు.